Lebanon, 7 Oct 2024: Strike toh Saffieddine te target kurishe. Israel khan Iran la group Hezbollah ke campaign kura time te.
Hezbollah la Leader Sayyed Hassan Nasrallah la next jaka luboleh manu toh Friday din pra hari jaishey. Etu din next Israeli airstrike thakishey. Lebanese security force pra Saturday din te koishey. Hoileh AI Hadath, Saudi news khan pra report kura toh Hashem Saffieddine toh taila party khan lokot muri jaishey air strike te.
Saffieddine te target kurishey koishey etu air strike pra.
Thursday din te Israel dangor air strike kurishey Beirut la southern area te, etu jaka te Hezbollah la base nishina thakishey. 3 Israeli officials la hisap pra toh etu strike Saffiedine te target kurishey. Tai toh bunker la bitor te thakishe koina bisas ase.
Etu hamla hoina, rescue kura manu khan bisaribo leh b napareh. Israel khan Dahiyeh toh hamla kuri thaka nimite . Etu jaka b Hezbollah khan laka thakishey. Lebanese security forces khan pra janai dishey.
Hezbollah khan echa b eku kwa nai Saffieddine la.
Friday tin te Israeli Lieutenant Colonel Nadav Shoshani koishe military khan echa b results milai ase Thursday rati la air strike loi kina. Tai koishey etu strike toh Hezbollah’s Intelligence headquarters ke target kurishey.
Add Comment