Kohima, March 27: HATHKARGHA MELA (SHE) State Handloom Expo kuntu toh Directorate of Industries and Commerce, Government of Nagaland para organize kurise, aru National Handloom Development Program (NHDP) under te Development Commissioner (Handlooms), Ministry of Textiles, Government of India para fund kurisey. Etu expo tu P. Tokugha Sema, Director of Industries & Commerce, Government of Nagaland laga haath te 27th March 2025 te Kohima Village Ground, Kohima te inaugurate kurisey. Etu mela to 26th March para 8th April 2025 tak cholibo, kotey indigenous textiles aru handicrafts laga exhibition thakibo.
Etu event tu handloom aru handicraft sector ke promote kuribole karone organize kuriase, kotey Nagaland aru alag-alag state pora artisan aru weaver khan ahikena nijor handloom aru handicraft product display aru bikri kuribo paribo. Expo te natural fibre pora bona product dikhabo, kuntu khan tu khujli kora patta, china grass, indigenous(Nagaland te ola) cotton aru eri puka laga silk pora bana laga asey. Bamboo aru cane pora bona local handicraft product bhi thakibo.
Etu mela laga main aim tu haat para kapra bana manu khanke direct market access dibole ase, kotey taikhan laga product ke loikina bisi manu janibo aro financial support bhi pabole paribo. Expo te total 60 exhibitors(saman khan display kora manu) ase, kuntu te 48 tu handloom sector pora aru 12 tu handicraft sector paraa asey. Exhibitor khan Nagaland laga sob district para ase, aru Jammu & Kashmir, Uttar Pradesh, Manipur, aru Assam para bhi participant ahibo.
Expo laga ekta important part etu ase ki etu Department para Pehchan Card registration suru kuridise utu participants khan karone kun khan para etya tak etu kurikina nai. Etu registration process te participant khan Ministry of Textiles laga scheme aru program laga benefit pabole paribo.
Add Comment