Hawa bishi mara karne Liverpool laka Premier League clash keh postpone kuri di shae

December 8, 2024: Premier Leaguer leader Liverpool laka Merseyside derby trip, kuto Everton deh taki shae, etu tho postpone kuri di shae, bisa mosum karne. Etu bia mosum tho Stom Darragh karne hui shae. Jhor hawa aro pani bishi gira karne United Kingdom laka western side keh bia banai di nah ase. Enaka hua tho aha jah kuri bole b bishi dictar banai di shae. Ekta statement deh, Everton para fixture tho safety grounds deh postpone kuri di shae kjui shae, local police, Liverpool City Council aro tuita clubs majo deh ekta meeting hua piche deh. “Supporters kan karne mun duk hobo kui naj jani leh b, fans, staff aro players laks safety tho first importance ase,” Everton laka statement para kui shae. Fixture tho Everton laka Goodison Park deh final Merseyside derby hobo, league deh. Liverpool tho satha points para Premier League keh lead kuri ase, 38th match season laka 14 games kila piche deh. Manchester United para taikan laka match, kuto Nottingham Forest laka against ase, Old Trafford deh, etu tho itia b schedule deh ase kui shae. “Club tho rlevant authorities keh consult kuri taki bo aro eku change hui shae koile tho, phat supporters keh janai di bo,” United para ekta statement deh kui shae. Alak teentha Premier League games tho 1500GMT deh hobo leh schedule ase. Tateh Manchester City laka trip b ase, Crystal Palace deh.