Agencies, 15 June: Tuesday te Bobay High Court para June 25 toh actor Kangana Ranaut para application filed kora te honibole nemite adjourned korise. Actor para application file kora te Passport Authority para tai laga passport renew koribole mana nai koise kelay koile Mumbai Police para tai kelaaf FIR registered kora nemite. Justices PB Varale aro SP Tavade para hearing adjourned kora toh Ranaut para case te Passport Authority toh ekta party hisab te lobole fesla howa hona bechite ase.
Bench para be Ranaut laga application clear nai aro sob mela saboot toh record te nai koise.
Tai laga interim application te through advocate Rizwan Siddiquee para file kora te Ranaut para Passport Authority para tai laga passport renew koribole mana nai koise. Etu tai aro tai laga bhoni Rangoli Chandel kelaaf FIR toh Bandra police para etu sal agae te registered korikena thaka nemite. Complaint file toh jowa sal October moina Twitter te tai khan para communities majote dushman promote kora nemite ase koise.
Advocate Rizwan Merchant, kon HC te complainant Munnawarali Sayyed laga behalf te ahishe, tai para bench te Ranaut laga application te Passport Authority laga order eku nai koise.
Siddiquee para jawab te Passport Authority para verbal objection toh Ranaut laga passport renewal application te othaishe koise.
Etu te high court bench para eki orders pass koribole napari koise party para mere oral submissions te.
High court para be note korise Ranaut para tai laga application te khali tai nemite relief mangka te tai laga bhoni laga naam be applicant hisab te mention kora te.
Bench para advocate Siddique eke liberty deshe application bonabole aro Passport Authority toh ekta party hisab te lobole.
Bench para be Siddiquee para joldi honibole direk request kora te cancel korise.
Siddiquee para Ranaut toh India para pahar film laga shooting nemite etu hapta bechae phali jabole fixed ase koise. Hoilebe HC para June 25 toh honibo nemite sobse joldi direk ase koise.
Monday te application file kora te, Ranaut para tai etu moina tai laga ahibole film ‘Dhakkad’ laga shooting nemite Budapest te jabole ase koise. Etu para tai laga passport renewed laki koise.
Add Comment