HDFC Bank: Covid-19 relief nemite medical ghor bonabo

May 28, 2021. India te Covid-19 bemari logot larai kora thaka samai, HDFC Bank para konuba kam para etu virus logot larai koriboli te motob koriboli junaishe. HDFC Bank toh Parivartan  pithor te ase, Friday din junaishe ke, India laga desh pura te medical infrastructure bonaikena bemari logot larai koribo koishe. Etu kam pithor te hotai din nemite Oxygen plants, medical equipment, aro ICU facilities bonai thibo aro etu oper te India laga desh pura hospitals te medical supplies thibo koikena statement te janaishe. Bank para 2021-22 saal laga Covid-19 relief toh  Parivartan  pithor te Rs 100 crore thiboli promise korishe. 2020-21 saal te be Bank para Parivartan pithor te Rs 120 crore Covid-19 relief nemite thishe. India laga desh pura te medical infrastructure bhal hoboli nemite Bank para India te keman hospitals ase etu hospitals te 20 Oxygen plants bonaboli fesla loishe. Etu oper te aro Covid care facilities te 100-bed aro tuita(2) Isolation centres bonaboli janaishe. Bank laga bapana toh aro India pura te 200 hospitals neshina te medical equipment aro supplies thiboli koishe. Oxygen plants aro Covid care medical facilities bonabo nemite Bank para India te hospitals jeniboli nemite local administration logot melikena kam koribo. Bank para aro ECSS (Education Crisis Scholarship Scheme) pithor te students kaun khan bemari para dukh te ase etu khan ke scholarships thiboli bapana ase aro hotai moina bosti te rations toh 1.5 lakh manuh logot thiboli janaishe. Bhat para janaishe ke, itya tai khan laga NGO partners aro local administration logot melikena medical infrastructure neshina Oxygen plants, medical equipment aro Covid care facilities nemite kam kori ase koishe.