May 06, 2024 : Itu department of Health & Family Welfare para itu National programme under tey, suku andha hoa ke control kuriboley nimitey, free eye checkup conduct kurishey, Community Health Centre tey para, Medziphema tey. Itu free eye camp toh hoiley May 6th tey shuru kurishey, aru itu toh hoiley May 10 tak tahkiboley asey koishey.
Tai khan ke huda homoi tey koishey ki, itu eye camp organise kuria toh hoiley poilabar nahoi itu toh hoiley third time asey, tai khan itu nishina camp toh Meziphema CSC tey bhi kurishey olop saal agetey, aru Covid ahi jawa nimitey ek dui saal nimitey itu nishina camp toh kuriboley para nai koishey, tai khan laga Directorate laga initiative karney itu free eye Camp aru bhi kuriboley parishey.
Itu toh hoiley national programme under tey ahey, yatey laga sob expense khan toh hoiley government para he sponsor kurey koishey, suku blind hoa toh hoiley bishi bhak toh cataract khan para he asey koishey, itu hoa khan ke operation kuri kena treatment kurishey koiley toh suku toh saboley paribo, itu blindness hoi thaka toh preventable asey koishey, itu operation kuri dishey koiley toh bhal hoi jai koishey.
Add Comment