Health Minister aro WHO Chief para Gandhi Ashram visit

AHMEDABAD (GUJARAT): Union Health Minister Mansukh Mandaviya aro World Health Organization (WHO) Director-General Tedros Adhanom Ghebreyesus aro  Minister Sarbananda Sonwal para Wednesday din Ahmedabad te Gandhi Ashram visited korishe. Tai para koishe ke, Central Government toh itya ‘One Earth One Health’ bapana tangor te duniyaa bhal thakibo nemite narokina kam kori ase.  “Ahmedabad te WHO DG Dr Tedros Adhanom Ghebreyesus aro Minister Sarbananda Sonwal para Gandhi Ashram visit korishe. Bapu laga bapana aro kam para itya dak manuh ke guide kori ase, etu nemite’One Earth One Health” nemite tangor bhal kam kori ase, koikena Mr Mandaviya para janaishe. WHO Director-General toh India te tin(3) din visit nemite ahishe. Tuesday din Prime Minister Narendra Modi para Dr Tedros logot health sector te takot thakibo nemite kotha koishe. Prime Minister Narendra Modi para Jamnagar, Gujarat te WHO Global Centre for Traditional Medicine laga foundation stone be kulishe. PM Modi para etu foundation stone toh Prime Minister of Mauritius Pravind Kumar Jugnauth aro WHO chief Tedros osor te kulishe. Global Centre for Traditional Medicine (GCTM) toh duniyaa pura te first aro kali global outpost centre for traditional medicine ase aro etu toh international hub of global wellness nemite thakibo koishe.