Health Minister: Bacha nemite COVID-19 Vaccines joldi olabo ase

Ahmedabad: Thursday din Union Health Minister Mansukh Mandaviya para janaishe ke, bacha khan nemite COVID-19 vaccines research development jai thaka toh aha moina samai khobor paijabo aro “besi joldi “te antidote toh be bonaboli ase, koikena khobor para janaishe. Tai para koishe ke, Centre para desh te citizen sob logot coronavirus bemari kelaaf te manuh sob ke vaccine thiboli kam kori ase. “ami khan laga bapana toh citizen sob ke vaccine thiboli ase. India government para Zydus Cadila aro Bharat Biotech logot permission thikena becha khan nemite COVID-19 vaccine toh research development kam kori ase koishe. “itya ami khan laga research kori thaka toh aha moina te result paijaboli kori ase. Ami logot besi tangor besas ase ke, bacha khan laga vaccine toh besi joldi kamyaab hoboli ase,” koikena Mandaviya para Rajkot te etu khobor toh reporters logot janaishe.