July 31, 2020:Centre para Thursday te koishe India nishena desh nishena herd community nimete ekta strategic option nohobo aro etu toh immunization para hi achieve kuribole paribo.
New Delhi te media logote kotha kura samay te Officer on special Duty (OSD) in the Ministry of Health and Family Welfare Rajesh Bhushan koishe etu specified rules khan follow kura toh khali ekta upai nase etia nimete etu coronavirus rukhabole nimete etu vaccine naola tak.
Bhushan koishe”India nishena dangor desh te herd immunity toh ekta strategic choice nohoile strategic option nohobo etu toh ekta dangor cost te ahibo aro etu toh immunisations via vaccination para hi paribo.”
Tai aro koishe ki “Health ministry bhabona kurishe ki etu toh future te hobole pareh hoilebi etia nimete ami khan Covid-19 appropriate behavior follow kuribole lageh.”
Covid-19 vaccines uporte kotha kura samay te tai koishe tinta vaccine candidates toh clinical trials laga phase 3 te ase.
Tai koishe ki”tinta vaccine candidates toh phase 3 laga clinical trial te ase.etu toh US, UK aro China ase.india te duita indigenously developed vaccine candidates toh clinical trials laga phase 1 aro phase 2 te ase .first vaccines laga trials te 1,150 subjects eight sites te ase aro second te 1000 subjects five sites te ase.”
Bhushan koishe “India khan komti hoilebi 10 lakhs recoveries laga mark paar kurishe.etu dikhaishe kinika doctors nurses aro sob frontline workers khan keeman dukh kurikena kaa kuri ase dikhaishe kun khan para COVID-19 patients ke bhal kuridishe.”
Bhushan koishe desh laga 16 states khan te recovery rate toh national average para bi bishi ase.
Tai koishe Etu te Delhi recovery rate of 88%, Ladakh 80%, Haryana 78%, Assam 76%, Telangana 74%, Tamil Nadu & Gujarat 73%, Rajasthan 70%, MP 69% aro Goa 68%, ase,
Add Comment