New Delhi, 10 February : Heated Rivalry India te finally release hobole ase! Connor Storrie aru Hudson Williams-starrer itu romantic sports drama tu December te release hua pichete bisi dangor sensation hoi jaise, aru duita newcomers ke overnight star bonai dise. Canadian lekhika Rachel Reid laga novel pora adapt kora, Jacob Tierney-directed itu show tu duita rival ice hockey player laga kahani ase, jitu secret affair kori thake.
Heated Rivalry February 20 te exclusively Lionsgate Play te premiere hobo. Itu kahani laga centre te ase Shane Hollander (Hudson Williams) aru Ilya Rozanov (Connor Storrie), professional hockey te sobse dangor dushman. Ice upor te taikhan laga bone-crushing hit, legendary trash talk aru rivalry pora arena te electric vibe bonai diye. Kintu lights bondh hoile, dushmani tu secret aru bhison gorom passion te badlai jai, jitu taikhan nijor sob kothin mehnat diya career ke risk te phelai diye.
Late-night hotel room confession, churi-churi milibo, aru expose hoi jabo laga bhoy taikhan laga affair ke sobse dangerous game bonai diye, jikhon te “Moi tuike ghin kore” aru “Moi tui dorkar” laga majot difference pura gum hoi jai.
Heated Rivalry total 6 episodes ase. Show tu global sensation hoi jaa pichete, second season announce kori dise. Itu tu 2027 te release hobo bole expect kori ase, aru main cast sob wapas ahibo.
Add Comment