New York, 1 November : Heidi Klum phir se sob ke surprise kori dise. “Queen of Halloween” kuina jana jai thaka supermodel tai laga 24th Annual Halloween Party New York City te ekta grand entrance kori dise, aru tai laga notun transformation dekhi sob manu khota kui ase.
Big reveal agey te, 52 saal laga supermodel tai fans khan logot behind-the-scenes photo aru video share kori thakise, kutey tai laga longtime makeup artist Mike Marino bhi thakise. October 31 te post kora ekta Instagram video te, Heidi tai laga face green makeup laga multiple layers te covered thaka close-up dekhai dise.
2000 saal pora first Halloween party host kori ahina, Heidi Klum itu annual event ke ekta full-blown spectacle bonai dise. Jaa saal tai notun-notun elaborate character te transform hoi thakise. Tai laga past looks majot ase — ekta sultry Jessica Rabbit, ekta dazzling Peacock, aru ekta grotesque Giant Worm. Itu festivities kewal 2020 aru 2021 te COVID-19 pandemic karone stop hoise. Pichla saal, Heidi aru tai laga husband Tom Kaulitz fans khan ke amaze kori dise jetiya duijon E.T. aru Elliott hisab te dress-up kori thakise, 1982 laga beloved classic ke tribute di thakise. Heidi reveal kori dise ki itu idea tai paise jetiya tai ekta chhoto E.T. figurine dekhise — jun tai laga childhood te ekta favourite character thakise.
Add Comment