Shillong, April 09 : Meghalaya cabinet minister aro senior BJP leader AL Hek para announce kurisey ki Assam-Meghalaya laga border ke loikina behes chuli thaka te 80% mamla tu bhal para resolve hoisey.
Hek para Assam-Meghalaya border ke loikina behes chola laga baki 20% mamla tu shanti para thik kuribole laga kosis jari asey koikina janaisey.
Etu behest u 5 saal para chuli asey. Etu te Assam aro Meghalaya para share kora 885 km border fale 12 jhamila olai thaka jaga asey. Aro etu te Upper Tarabari, Gazang Reserve Forest aro Hahim nisna area khan bi asey.
Assam-Meghalaya inter-state border fale thaka 12 jhamila ola jaga majotey 6ta jaga ke settle kuribole nimitey agreement sign kora te ekta yaad rakhibole thaka laga breakthrough paisey.
1972 te Meghalaya tu Assam para alag hoija picheyte para suru huwa etu jhamila te bisi larayi jhagra hoisey kuntu te komsikom 12 manu laga jaan jaisey.
Olop homoi ageyte biya ghotna huwa laga bawajut, kuntu te November 2022 te 6 junmanu murisey aro juwa saal laga September 26 te laga lagi hoisey, etu bisi lamba homoi para chuli thaka border laga jhamila ke address kuribole nimitey lagatar kosis chuli asey.
Add Comment