Mysuru, December 27, 2025: ekta 42 sal ballon beka manu mure she aro char jun jokhom paishe koishe, ekta jumbo cylinder ballon te gas halei photei piche. Jokhom pa manu khan toh beshe toh tourist khan thake she koishe. Mysuru Palace laga main entry te cylinder toh phote she koishe.
Police para koishe ki murei manu laga nam aro alak details khan toh etia etia babole pare nai. Ekta jokhom pa manu Lakshmi toh critical condistion te ase koishe. Aro jokhom pa manu laga betor te duata toh tourist ase koishe. Tai jun laga nam toh Manjula aro Kotresh Gutte ase koishe. Manujula toh Nanjangud para ase koishe. Aro Kotresh Gutte toh Ranebannur para ase koishe. Jokhom pa manu khan ke KR Hospital te loi jai she koishe.
Cylinder photea toh 1km dur para be hone she koishe. Etu incident homoi te main gate toh bon thake she koishe. Aro photea piche police khan rush kure kena jaga te jai she koishe aro jokhom khan ke hospital te loi jai she. Aro fironsic experts khan utu jaga para evidence loi she.
Add Comment