June 9, 2024: Hamas hostages kan keh rescue kuri bo karne ekta katarnak mission taki shae aro etu mission deh IDF commander Arnon Zamora, kun manu kan hero ase kui, tai muri jai shae. Zanora laka unit tho chartha hostages keh rescue kuri bole ekta key role play kuri shae. Bajai dia hostages laka nam kan tho etu ase- Noa Argamani, 26, Almog Meir Jan, 21, Andri Kozlov, 27. Taikan Central Gaza laka Nuseirat deh taki shae aro taikan keh, Israeli troops para bajai di shae.
“Sob rescue mission laka pichae deh, Israeli mota aro maike kan ase, kun kan taikan laka lives risk kureh. Chief Inspector Arnon Zamora tho Yamam deh commander aro tactical operator taki shae. Tai hostages kan keh rescue kuri bole operation deh bishi bia para jokom kai shae. Tai jokom para muri jah tho mukan mun duk deh ase,” Israeli Ministry of Foreign Affairs para ekta statement deh kui shae, X deh.
Rescue mission kuto chartha hostages keh bajai di shae, etu mission tho Chief Inspector laka nam deh named kuri di shae – ‘Operation Arrow’.
Add Comment