“Hezbollah kan Golan Heights attack karne heavy price pay kuri bo”: Netanyahu

July 28, 2024: Israeli prime minister Benjamin Netanyahu para Hezbollah keh warning di shae, taikan, Saturday din laka rocket strike karne ekta heavy price pay kuri o kui nah. Etu rocket strike para Israel-controlled Golan heights region deh 11 jawan manu kan keh murai di shae. “Israel kan enaka murderous attack keh jawab nadi nah nachari bo aro Hezbollah kan etu karne ekta heavy price pay kuri bo, ekta price kuto taikan agae deh pay kura nai, “ Netanyahu para ekta local community leader keh kui shae. Israel premier laka officer para Netanyahu tho United States para phat wapas ahi bole decide kuri shae kui shae. Tai, United States deh, President Joe Biden lokot deh mili shae aro US Congress keh address kuri shae. Israeli military para taikan Hezbollah keh jawab dibo karne ready kuri bo kui nah assure kuri shae. “Etu hamla para Hezbollah laka asli shakal dikai di shae – ekta terrorist organisation kuto soccer kila bacha kan keh target kuri nah murai deh,” rear Admiral Danile Hagari, Israel Defense Forces (IDF) laka spokesperson para X deh kui shae.