Hezbollah koishey aro rockets chulabo Israel khan hamla narukha tak

Lebanon, 16 Oct 2024: Hezbollah pra koishey taikhan rockets aro chulabo Israel khan Lebanon te air strike aro ground invasion narukha tak.

Hezbollah la acting chief warning dishey taikhan Israel te aro rockets hamla kuribo. Netanyahu government khan Lebanon te air strike aro ground invasion khan narukha tak taikhan b narukhibo.

Naim Qassem Tuesday din live speech broadcast te Israeli home front khan ke koishey, solution toh ceasefire ase. Taikhan la group la base ke etu bomb khan pra harabo naparibo. Taikhan la leader khan ke b murai kina b naparibo.

Qassem koishey Hezbollah khan la dushman ke bikhabo dibo. Etu matlab ase taikhan Israel la south te hamla toh aro kara kuribo.

Qassem September 27 etu saal pra group ke lead kuri ase. Taikhan la purana leader Hassan Nasrallah Beirut te Israeli air strike te muri ja time pra.

Tai koishey echa la jakara toh rukhabo nimite etu besieged aro bombared Gaza te ceasefire pra he hubo. Taikhan Lebanon ke Palestine pra alak kuribo napareh aro Palestine ke duniya pra alak kuribo napareh.