Hezbollah media chief ke murai dishey Beirut te Israeli hamla pra

Beirut, 18 November 2024: Hezbollah laka media chief Mohammad Afif ke murai dishey Israeli laka hamla pra Central Beirut te, Lebanese militant group khan pra confirm kuri dishey. Baath political party laka headquarters te lagishey etu hamla toh, Sunday din te manu bishi taka jaka Pas al-Naba neighbourhood te. Lebanese laka state-run National News Agency khan laka hisap pra. Country laka health ministry koishey four manu muri jaishey hoileh mura manu khan laka nam lo nai. Afif, group laka public face pra kunba zinda manu toh Monday din te last dikhi paishey, tai Beirut laka southern suburbs te press conference dia time te, group khan thaka jaka te. Hezbollah khan tai muri ja toh Sunday din saam te confirm kurishey, report pai kina olop ghanta par hoi kina. Syrian Baath Party laka Lebanese branch laka bishi wala headquarter toh biya kuri dishey hamla te, rescue aro civil defence team khan joldi jaishey madat kuribo leh manu khan ke, kun khan pathor laka under te phasi kina thakishey. National News Agency pra report kurishey. Health ministry pra koishey 14 mnau jokom hoishey aro four manu muri jaishey. Lebanese Baath party toh Syrian Baath Party laak branch ase, President Bashar Al-Assad pra head kura laka, Hezbollah laka purana time laka ally.