Hezbollah para aro ekta top commander muri jai shae kui shae

September 21, 2024: Saturday din deh Lebanese militant group Hezbollah para taikan laka Beirut stronghold deh ekta Israeli air strike hui shae kui shae aro etu air strike deh taikan laka 15 fighters muri jai shae kui shae. Taikan para mura manu deh ekta tho second senior commander taki shae kui shae.Iran-backed group para Ahmed Mahmud Wahbi tho taikan laka elite Radwan Force laka military operations kan led kuri taki shae kui shae.  Israeli military para taikan laka air strike, kuto Beirut laka southern suburbs deh hui shae, etu para Radwan Force chief Irbahim Aqil aro alak commanders kan keh eliminate kuri di shae kui shae.Southern suburbs deh taka residents kan para taikan ekta dangor awas huni shae kui shae aro huna piche deh Lebanese capital upor deh dunga olai taki shae.“Israel kan Beirut southern suburbs deh air strike ekta conduct kuri shae, Al-Qaem mosque osor deh,” ekta Lebanese security official para news agency AFP keh kui shae.White House national security spokesperson, John Kirby para Beirut deh strike hobo leh ase kui nah tai jana taka nai kui shae. Tai para Americans kan keh Lebanon deh naja b kui nah request kuri shae aro tateh ase koile tho, paratak phat olai jabi kui shae.Agae deh Hezbollah para northern Isreal deh 140 rockets kan launch kuri shae, Hezbollah leader, Hassan Nasrallah para Israel keh jawab dibo kui nah kasam kura piche deh.