Hezbollah, taikan Israel deh hamla kuri shae kui shae

June 2, 2024: Lebanese militant Hezbollah para taikan Saturday din deh Israeli military keh hamla kuri shae kui shae. Etu laka agae deh state media para Israel kan taikan laka strikes uthai di shae kui shae. October 7 deh Israel aro Hamas majo deh war tho shuru hua piche deh, Iran-backed Hezbollah kan bishi wak hotai Israeli army lokot jakara kuri takeh, taikan laka Palestinian ally keh support kuri bo karne. Saturday morning deh, Lebanese Islamist group para taikan explosive drones kan chui nah air assault launch kuri shae kui shae Yiftah barracks deh. Etu hamla tho dushman laka officers aro solider positions kan deh target kuri taki shae. Taikan para hamla tho Majdal Selm deh ekta drone strike hua karne kura ase kui shae. Hezbollah affiliated Islamic Health committee para etu drone strike deh tuijun manu jokom kai shae kui shae. Ekta statement deh Israeli military para Majdal Selm laka jaka deh operat kura tuita Hezbollah terrorist kan ekta aircraft para struck hui shae kui shae. Piche deh Lebanese Shiite movement para taikan ekta Hermes 900 drone girai di shae kui shae, kuto taikan laka manu aro bosti kan keh hamla kuri taki shae. Friday evening din deh b, Ekta Israeli drone strike para maike ekta keh murai di shae aro manu bishi keh jokom kuri di shae. Hamla tho Aldoun laka outstirts deh hui shae.