Rourkela, 14 January : Tamil Nadu Dragons nijor laga nerves hold kurikina ekta 3-2 thrilling win aru Delhi SG Pipers ke harai dise Men’s Hockey India League te Rourkela laga Birsa Munda Hockey Stadium te Monday din. Experienced goalie David Harte Dragons laga defence laga main hero thaikise, aru Jip Janssen (6′), Nathan Ephraums (19′) aru Blake Govers (21′) laga goal khan Dragons ke ekta well-deserved win aru pool standings te top te ulaise.
Delhi SG Pipers nimite, Tomas Domene (2′, 37′) duita goal marikina goal sheet te nijor naam thakise.
First quarter suru hobo te, Delhi SG Pipers bhal shuru kurikina sirf match laga 2nd minute te ekta PC pora Tomas Domene goal mari dise. Tai ekta bhal injection uthai fierce flick mari experienced goalie David Harte ke para goal te ball pass kurise. Kintu ekta defensive error pora Pipers laga lead 6th minute te harai dise, junte Jip Janssen ekta PC pora ball center of the net te mari dise. Itu Janssen laga league te panchita goal thaikise.
Second quarter te Tamil Nadu Dragons, jun league te bhal form te ase, jaldi lead lobi. 19th minute te Nathan Ephraums ekta splendid field goal marikina 2-1 lead tulise, aru Blake Govers 21st minute te aru ekta brilliant field goal mari dise. Sirf duta minute te game pura Dragons laga favour te ulai jise.
Third quarter te, Pipers bounce back kurise ekta crucial video referral unar favour te jai pichete, aru third umpire ekta penalty stroke award kurise. Tomas strike lobi, aru Harte ke pass kurikina score 2-3 kurise. Baki minute khan te dukhon team PC trade kurise, kintu kunuba convert nohoi pai.
Final quarter intense thaikise, Pipers equalise kuribo try kurikina aru Dragons nijor 3-2 lead ke bhal dharikina rakha. 49th minute te Pipers aru ekta video referral nimite fifth PC jitise. Tomas dragflick nimite powerful strike marise, kintu Harte goalpost te excellent thaikise. Jarmanpreet Harte laga save pora rebound uthai pichete bhi goal miss kurise. Pipers aru ekta PC 57th minute te jitise, kintu Harte lagi bhal defense kuri laga chance bhi waste hoise.
David Harte laga exceptional performance nimite Dragons laga defence hero thaikise, aru deservedly “Player of the Match” award jitise.
Add Comment