Nagaland

“Hill Agro Ecosystem” Opor Tey National Conference Loishey, Medziphema Tey

November 29, 2024
6 Views

November 29, 2024, 05:02 PM : ICAR Research Complex, NEH Region Nagaland Centre aru Hill Farming  laga Indian Association nimitey, ekta national conference loishey, “Hill-Agro Ecosystem; Challenges and Opportunities for Achieving Sustainable Development Goals” opor tey, ICAR Nagaland Centre, Jharnapani, Medziphema tey para, 29th November, 2024 tey. Itu Nagaland laga Governor – La Ganesan para itu valedictory Programme inaugurate kurishey, National Conference laga, tatey tai Chief Guest buhi kena.

Tai laga speech tey, itu Governor para itu organizer khan ke aru participant khan ke thanks janaishey, itu conference laga, itu issue khan address kuria nimitey aru Hill Community Prosperity ke support kuria nimitey, kiley koiley Agriculture toh hoiley rural economy laga backbone thaki kena ahishey aru itu North East Indian laga population laga majority manu khan nimitey kamai asey, kuntu toh hoiley ekta vital source asey kamboley laga aru economic substance laga, itu rural Community khan nimitey.

Itu Governor para tai laga best wish khan extend kurishey, itu event laga success nimitey aru akha kuri asey, itu toh hoiley sob participant khan nimitey laab hobo koi kena, hill farming tey agey bari jabo koi kena aru aru-bhi agey laga din khan tey awareness nimitey rukhi thakibo koishey, tai para, kuntu toh hoiley itu national conference tey para ulabo. 

Khata speech khan deliver kurishey – Dr V. K. Mishra Director, ICAR NEH Umiam, Meghalaya; Dr. AK Tomar, Director ICAR – CSWRI, Avikanagar Rajasthan; Dr R.N. Chatterjee, Director ICAR-DPR Hyderabad; Dr .K.M.L. Pathak, Former DDG Animal Science ICAR New Delhi; Dr P. Das Former DDG ICAR, New Delhi; Dr Anupam Mishra, Vice Chancellor CAU Imphal; Dr KM Bujarbaruah, Former DDG ICAR,  New Delhi aru former Vice-Chancellor AAU Jorhat, tai khan sob para.

Itu programme toh hoiley Dr Azeze Seyie, Scientist Horticulture  para chair kurishey aru ICAR Nagaland Centre  laga regional Centre laga Head – Dr H. Kalita para welcome address janaishey. Itu National Conference tey toh hoiley 250 scientist khan, researcher khan, educator khan, student khan aru stakeholder khan para attend kurishey.