Himachal BJP MLA Narinder Bragta Covid para morishe

June 5, 2021. Senior BJP Himachal Pradesh MLA aro tui(2) paar former minister, Narinder Bragta toh Saturday din PGI Hospital, Chandigarh te Covid bemar para morishe, koikena khobor toh tai laga ghor manuh para junaishe. Tin(3) paar legislator, Bragta toh Vidhan Sabha te party laga Chief Whip kam korishe aro tai toh etu samai Cabinet minister laga rank thakishe. Tai, 69 umer te mori jaishe. Friday din, Chief Minister Jai Ram Thakur para hospital te jaikena tai laga halat toh saishe. Narinder Bragta logot April 13 darik te virus bemar toh thurishe aro tai hospitalized hoikena 15 din neshina hoishe. Bragta toh 1998 para 2002 saal te Minister of State for Horticulture thakishe aro 2007 para 2012 dak Horticulture, Technical Education aro Health Minister thakishe. Tai ke December 2017 saal te aro Jubbal-Kotkhai in Shimla district para re-elected korishe. Bragta para 2010 saal Shimla district te apple ola jaga te anti-hail guns bonai thakishe aro etu samai Central government para etu project nemite Rs 3.29 crore funded kora nemite etu para fruit season samai crop toh paani para pajaikena thakishe. Chief Minister para tai toh besi tangor aro besi manuh para jani thaka leaders ekta thakishe. Chief Minister para tai laga ghor manuh logot kotha korishe aro mon dukh howa kotha toh janaishe.