Gwalior, 3 December : Roundglass Tennis Academy laga athlete Hitesh Chauhan ITF Men’s World Tennis Tour M15 tournament laga second round te enter kuri shey, juntu Chambal Tennis Association courts, Gwalior te cholise. 17 saal laga Indian Junior Number 1, Hitesh, Aditya Balsekar ke ekta tight three-set match te 4-6, 7-6, 6-4 te harai dise win loi shey.
Tuesday te khel kora baki match khan te, Ivan Lutkin India laga Adityavardhan Duddupudi ke 7-5, 6-2 te harai dise. Abhinav Sanjeev Shanmugam bhi nijor compatriot aru fifth seed Ishaque Eqbal ke 6-2, 7-5 te harai dise. Itu pichete, India laga Parth Aggarwal Kazakhstan laga Grigoriy Lomakin karone 6-7, 0-6 te hari jaise.
Indian wild card Sarthak Suden qualifier Freek Van Donselaar (Netherlands) birokh te ekta fought three-set match te 4-6, 6-1, 6-2 te jitibo parise. Vivaan Bidasaria 6-2, 6-4 te Makar Krivoshchekov karone hari jaise, aru Raghav Jaisinghani duita qualifier laga clash te compatriot Deep Munim ke 6-2, 6-2 te harai dise.
Add Comment