Hockey India, FIH Pro League 2023-24 karney 24-man Squad announce kurishey

New Delhi, 9 May : Hockey India oara Thursday dey ahi thakia FIH Hockey Pro League 2023-24 karney 24-member men laga squad announce kuri dishey kuntu Antwerp (Belgium) aro London (England) dey thakiboley asey.

Belgium leg toh 22nd May dey shuru huwo aro 30th May dey khotom huwo kitia England toh 1st June dey shuru huwo aro 12th June dey khotom huwo.

India toh Argentina, Belgium, Germany aro Great Britain khilaf tuibar khilibo tuita legs dey, taikhan laga campaign 22nd May dey Argentina laga khilaf shuru kuribo. India toh itia points table dey 3rd asey, eight matches dey para 15 points logot.

Captain Harmanpreet Singh para itu team laga charge luwo. Iti homoi, dynamic midfielder Hardik Singh ke tai laga deputy naam dishey. Itu goalkeeping responsibilities toh PR Sreejesh aro Krishan Bahadur Pathak para luwo, kitia defensive line-up dey Jarmanpreet Singh, Amit Rohidas, Harmanpreet Singh, Sumit, Sanjay, Jugraj Singh aro Vishnukant Singh milaina asey.

Midfield section toh Vivek Sagar Prasad, Nilakanta Sharma, Manpreet Singh, Shamsher Singh, Hardik Singh, Rajkumar Pal aro Mohd. Raheel Mouseen nishna dynamic khiladi para marshall kuribo. Forward line dey Mandeep Singh, Abhishek, Sukhjeet Singh, Lalit Kumar Upadhyay, Gurjant Singh, Akashdeep Singh, Araijeet Singh Hundal aro Boby Singh Dhami thakibo.

India captain Harmanpreet Singh kuishey itu squad selection toh khiladi khan exposure pawoley ensure kuribo karney kurishey aro sawoley kinika taikhan Paris Olympics agey international events dey khiley.

India head coach Craig Fulton kuishey ki itu event para team laga taiyari fine-tune kuriboley motut kuribo.

Indian Men’s Hockey Full Squad

Goalkeepers:

1. Sreejesh Parattu Raveendran

2. Krishan Bahadur Pathak

Defenders:

3. Jarmanpreet Singh

4. Amit Rohidas

5. Harmanpreet Singh

6. Sumit

7. Sanjay

8. Jugraj Singh

9. Vishnukant Singh

Midfielders:

10. Vivek Sagar Prasad

11. Nilakanta Sharma

12. Manpreet Singh

13. Shamsher Singh

14. Hardik Singh

15. Rajkumar Pal

16. Mohd. Raheel Mouseen

Forwards:

17. Mandeep Singh

18. Abhishek

19. Sukhjeet Singh

20. Lalit Kumar Upadhyay

21. Gurjant Singh

22. Akashdeep Singh

23. Araijeet Singh Hundal

24. Boby Singh Dhami