Hyderabad, 13 January : Hockey India Government of Telangana logote ekta Memorandum of Understanding (MoU) sign korise, Women’s 2026 FIH Hockey World Cup Qualifiers host koribo nimite Hyderabad te, juntu itu saal March 8 para 14 tak hobo.
Itu event pora India laga international hockey te growing role aru Telangana ekta dangor sports-hosting state hisab te uthi ahise koi thakishey. Chief Minister Revanth Reddy koi dise ki itu event pora state laga sports te commitment, women’s empowerment aru Hyderabad ke global sporting destination bonabo laga vision reflect kore.
Itu tournament te total 8 ta team khelibo – India, England, Scotland, Korea, Italy, Uruguay, Wales aru Austria. Top 3 team directly qualify koribo FIH Hockey World Cup Belgium & Netherlands 2026 nimite, juntu August 15 para 30 tak hobo.
FIH President Tayyab Ikram itu collaboration ke praise korise. Tai koi dise ki Hyderabad ekta proven host city ase aru fans exciting aru high-quality match expect koribo pare. Hockey India President Dr Dilip Tirkey bhi koi dise ki itu event pora young players inspire hobo aru India laga hockey ecosystem strong koribo.
Add Comment