Hockey star Rani Rampal para Air India keh slam kuri shae

October 6, 2024: Indian hockey star aro Padmi Shri award winner, Rani Rampal, social media deh jai shae, taila flight piche deh taila luggage ekta bia condition deh wapas pah karne. Etu incident tho tai, Canada para India deh wapas aha time deh hui shae aro taila post, kuto social media platform X deh taki shae, etu para attention bishi tani shae. Taila post deh, Rampal para taila experience share kuri shae. Air India deh tag kuri nah, tai para etu liki shae,” Etu wonderful surprise karne bishi thanks, Air India. Apni laka staffs kan mukan laka bag kan keh enaka treat kureh. Mui Canada para India deh wapas ahi shae aro Delhi deh land kura piche deh, muila bag bangi nah pai shae.” Post lokot deh Rampal para banag luggage laka photo b dali shae. Rampal laka post jawab deh, Air India para comment section deh issue tho address kuri shae. Airline laka official handle para enaka hua karne maff mangi shae. “Dear Ms. Rampal, mukan etu dictar karne maff mangi ase. Morom seh, apni laka ticket details, bag tag number aro damage complaint number/DBR copy kan mukan keh DM kuri b. Etu mukan sabo.” Rampal laka followers aro fans kan taila post deh phat react kuri shae. Bishi manu kan taila situation lokot deh empathize kuri taki shae aro taikan nijor laka duk kan b share kuri shae. Mnau kun bah para tho national carrier para dia service keh b question kuri shae.