San Francisco, 16 April 2025: Home Alone 2 laga director Chris Columbus koishe ki tai US President Donald Trump laga cameo etu film pora hatai dibole mon takishe, tai koishe ki etu ekta “curse” aru “albatross” ase.
San Francisco Chronicle logot ekta interview te Chris Columbus share korishe ki tai 1992 laka sequel Home Alone 2: Lost in New York pora Donald Trump laga cameo hatai dibole mon ase. Tai koi dishe, “Moi taike hatabole naparibo. Jodi moi hatai dile, to moi country pora bahar pathai dibo. Manu bhabi jabo moi United States te thakibole fit nohoi, tai Italy wapas jabo lagibo.” Chris, jun Italian ancestry pora ase, United States te janam aru dangor hoishe. Tai sarcastic bhara Trump administration laga deportation plans lake reference kori takishe.
2023 te, Donald Trump bhi share korishe ki Chris tai logot request kori thakise film te appear koribole. Film te, chutu Kevin — Macaulay Culkin pora act kore kunto taila parents pora jai thaka time te ekta dangor hotel te taike paorigina ghor jai thake. Tai ekta manuh — kala overcoat aru lal tie lagai taka ke rukai gina direction mangi thake. Trump reply dishe, “hall laka niche jabi aro left lobi.”
Actor Matt Damon 2017 te The Hollywood Reporter logot interview ke koishe ki Trump allow kori thakishe film khan ke tai laga building te shoot koribo,hoilebe tai ke ekta role dibo lage. Tai karone Trump — maximum time nijor role play kore — 20 pora beshi film aru series te dekhai dishe, juntu Zoolander aru Sex and the City bhi include ase.
Add Comment