March 21, 2024: Outgoing Additional Secretary, Home, Shayung Phom NCS laka nam deh ekta farewell program lui shae Conference Hall, Nagaland Civil Secretariat, Kohima laka jaka deh. Etu program tho 21st March 2024 deh lui shae.
Home Commissioner Abhijit Sinha para taila speech deh, tai, Shayung keh bishi sincere aro honest manu ase kui nah jani shae kui shae. Tai para Shayung tho manu kan lokot deh interact kura time deh bishi honest ase kui shae. Tai para Shayung tho ekta dedicated officer ase kui shae, kun government aro manu kan keh serve kuri shae taila full ability para. Sinha para, taila posting jaka aro taila career profile diki nah, tai kiman sacrifices banai shae good governance ensure kuri bole, etu tho manu kan diki bole pari bo kui shae. Tai para Phom laka career deh congratulate kuri shae aro taike ekta kushi aro healthy retired life wish kuri shae.
Secretary Home, Orenthung Lotha, home department laka nam deh kotha kuri shae program deh, tai para, 1996 NCS bench mates majo deh, Phom sobse bishi zaruri aro challenging assignments kan pai shae kui shae. Aro Phom tho, taila besh service di shae kui shae state government aro manu kan keh b.
Shayung Phom, taila farewell speech bana time deh, taila humble request banai shae. Tai para Civil Secretariat deh taka departments kan keh MTAs kan karne b ekta befitting aro grand farewell program bana b kui shae taikan laka retirement deh. Phom para, taila gratitude express krui shae department deh taka sob officers aro staffs kan keh, taikan laka constant guidance aro support karne.
NSSSA , Grade-IV Association aro Kovi Meyase, NCS batch mates kan para shorts speeches kan di shae program time deh.
(Esuihangle, IA)
Add Comment