November 20, 2024, 04:56 PM : Itu Home Department para toh hoiley ekta circular issue kurishey, ekta mass social work propose kuri kena, Kohima tey loboley karney, 22nd November, 2024 tey , 06:00 AM para shuru kuri kena, fujur tey.
Ekta meeting loa tey, itu Kohima laga Home Commission laga office tey para, 20th November, 2024 tey, officer khan aru staff khan tey present thaki kena, tai khan laga respective designate thaka area khan tey. Tai para koishey ki, sob itu departmental officer khan toh hoiley compulsory asey itu social work tey part loboley karney, aru strict attendance toh hoiley loboley asey, itu concern thaka department para.
Itu department khan ke toh hoiley tai khan laga designate thaka area khan bhi inspect kuriboley direct kurishey, advance tey para aru aniboley/ arrange kuriboley koishey, lagi thaka saman khan / equipment khan, itu mass social work toh ekta success hoboley karney.
Dukan khan/ business establishment khan ke tai khan laga dukan/ dukan osor jaga khan saph safai kuriboley koushey, itu bon kuria laga homoi tey. Itu public khan ke active para part loboley karney request kurishey, itu mass social work tey, tai khan nijey laga ward khan aru colony khan tey.
Add Comment