Headlines

Hon’ble Governor’s Outreach Programme manaise

October 15, 2018

KOHIMA, OCTOBER 15 : Hon’ble Governor’s Outreach Programme laga naam pora Kheti kam kura kan nemite Meeting-cum-Dinner Programme manaise. Etubi Raj Bhavan te Kohima district kan karne. Aro etu din mana toh 13th October 2018 (Saturday) te 3:30 pm paji te manaise koise.

Etu din te Kohima Farmer Producers Organisation (FPO) President Shri Keghaselie K Kuoku pora katha kotha kuridese. Etubi tai kan FPO laga ki-ki activities kotha kan. Etu ke tai Kohima District toh 4 Blocks hisabte  bhak kurikena ase. Aro etu ke 85 Self Help Groups kan pora kheti kam kura kan motub kuribole karne kam bhal te julai kena aro manai kena ase koise. Tai bi etu Kohima District Farmer Producers Organisation (FPO) bitorte 1091 jun kheti kura kan naam te ase. Aro etu kheti kura kan naam te ana toh Cooperative Societies Act, Nagaland laga naam pora anediya laga ase koi kena janaise. Aro etu oporte tai bi kheti kura kan kebi tusera jaka te luijaide (Exposure trip). Aro etu tusera jaka te luijaidiya toh Department of Horticulture & Agriculture pora saide. Aro etu nesena bhal kam kan bi hutai sal manai thaki. Etubi tusera ki-ki Organisations, Department aro Schemes kan laga motub pora koi kena janaise. Aro last te etu President, FPO porabi Hon’ble Governor ke Raj Bhavan te etu Kohima District Farmers Meet aro Dinner nemite din manabole kura karne besi khushi baa janaidese koise.

Etu din te Shri G Ikuto Zhimomi, Director, Agriculture Department aro Shri Qhutovi Wotsa, Joint Director, Horticulture pora bi katha kotha kuridese. Aro Hon’ble Governor porabi North East State aro Nagaland kan mousom bhal thaka jaka aro mati bhal thaka jaka hua pora ekta bhal laga kotha ase koi kena janaise. Aro tusera ki-ki bhal kotha kan kheti laga janaide thakise koise.

Etu din te bi kheti kura kan pora tai kan ki kheti te ulaise etu kan Hon’ble Governor ke dedese. Aro etu din laga Programme ahkete Shri George Abraham, Joint Secretary, Governor nemite thaka pora Welcome Address kuridese. Raj Bhavan staff laga bacha kan pora Cultural presentation dekhaidese. Aro gaana toh Mr Keviser pora kuridese koise.