Noida, 25 August : Honey Singh laga naam lately besi news te ahise, tai laga concerts karone. Kintu August 25, Monday te, rapper ekta alag reason karone attention grab korise.
Itu bar, taike roadside te gorib bacha khan ke Khana khilai dia dikhi paise. Electronic Metro Station, Noida Sector 63 te dangor bhir hoise, karon sob manu rukikena Honey Singh ke dekhibole Kosis korise.
Recently, Honey Singh ghar Delhi te ahise. Tai Noida bhi visit korise. Car te bohikena, tai gorib bacha khan road laga side te thakia dikhina, tai gari stop kori dise aru Haldiram’s restaurant pora khana anikena bacha khan ke di dise. Video te dekha pai ase, rapper nijor roadside te bohikena bacha khan ke khana khilaise.
Honey Singh laga fans khan Electronic Metro Station, Sector 63 H Block, Noida te ghumi thakise, aru etu karone traffic jam nisena situation hoise. Honey Singh nijor official Instagram account te bhi ekta photo share korise juntu te khushi bacha khan dekha pai ase.
Honey Singh laga career te kotha koile, tai besi dangor-dangor gaana kuri dise. Kintu eku saal piche, tai laga health karone public pora ghumai jaise. Kintu etiya tai ekta wonderful comeback korise; ekta saal pora absent thakile bhi tai laga fan following te eku difference nai. Recently, Honey Singh besi discussion te ase tai laga latest gaana karone juntu Bigg Boss 13 laga fame Shehnaaz Gill logot korise.
Add Comment