Hong Kong Open 2018: Kidambi Srikanth harishe

Kowloon: Hong Kong Open laga men’s singles event laga quarter final te  Ace Indian shuttler Kidambi Srikanth Kenta Nishimoto Japan logote harishe .Etu 25 sal chokra toh  17-21, 13-21 pora Japan laga khelari logote 44 minutes te harishe   .Etu khel te 42 rallies jitikena  aro 7 ta back back points jitikena  Nishimoto dukh paanai  Srikanth ke harai dibole karne  .Etu khel shuru huwa time pora hi eki eki jai thakishe   .5-5 te thaka time te Nishimoto tai laga khel bodli kurikena    char ta back back points loishe  aro lead loikena thakishe .Srikanth okobi kuribole naparibo pichete jai thakishe game te .tai etu pichede opening set toh Nishimoto logote 17-21 pora hari jaishe .second game te bishi bhal thakanai  etu Indian shuttler nimete ekta point te tai 4-15 pora piche jai thakishe  .Srikanth pora olop points khan jamaa kurishe wapas ahibole karne khel te hoilebi etu points gap toh bishi thakishe  .Aro etu pichede tai   13-21 pora second game harijaishe .Etu harikena tai jaithaka tournament  pora olaijaishe .Etu eki din te aro ekta Indian khelari  Sameer Verma Hong Kong Open semi final te ghussibole kosish kuribo.Tai  home player Cheuk Yiu quarter-final te khelibole ase .