Hong Kong student activist Tony Chung ke jail paishe

December 30, 2020. Jaa sal May moina te Hong Kong student activist Tony Chung para protest kora samai Chinese flag ke insult kora nemite Chinese court para 4 moina nemite jail thishe. Tai toh pro-independence group Studentlocalism laga former leader ase aro tai para kanoon te natha protest samai national flag ke insult kora nemite court para sajai thishe. Besi tangor demonstration kora nemeti bill toh hataishe. Court para kowa khobor para janaishe ke, Chung para national flag toh flag pole para thanikena hawa te pela nemite aro respect nakora karne ase. Etu moina 19 umer student leader logot kalti thaka nemite tin(3) sal dak jail paboli pareh koishe. China te July moina te notun national security bona hesab te Chung ke alag-alag hokom te thurishe. Tai itya notun law hesab te trial roki ase, Chung ke notun law July moina te bona pithor te thuriboli first ase. Police tai ke aro October moina Hong Kong te US consulate osor para thurishe. Hoilebi, Hong Kong laga UK-based activist group Friends para koishe Chung toh US consulate pithor te jaboli bapana thakishe. Student leader ke toh aro poisa phelai aro khobor mesa olaboli kora te thurishe koishe. Etu oper te notun Chinese national security law para 50 years guaranteed deya freedom, British rule 1997 sal te kotom howa nemite duniyaa manuh khan para tangor bapana kori ase.