October 3, 2020. Thursday din te, pro-democracy protester khan para Causeway Bay, Hong Kong te China laga National Day din te Indian flag thurikena protest samay thakishe. Etu photo toh journalist para Twitter te shared korishe. Journo Laurel Chor (@laurelchor) para sawal korishe ke, Indian flag thura mani ke ase? Protester para koishe ke, “keli koile India para China logot larai kora nemite, aro India toh ami khan laga sati ase!” Journalist para aro koishe, “etai tai laga matha oper te flag toh uthai-kena INDIA logot ase…koi thakishe. Crowd khan tai ke kushi dishe”. Etu mota toh, Hong Kong’s Causeway Bay te China laga National Day te Indian flag thuri thakishe aro police khan be besi thakishe. Etu occasion samay, hazar Hong Kong nationals khan bahar te olikena hala korishe ke, “police ke hatabi” aro Hong Kong ke azaad thibe” koi thakishe. Hong Kong laga Parliamentarian Ray Chan, para konuba protest kora khan laga pictures share korikena lekishe ke, “Hong Kong aro India para besi lamba history shared kora ase. Hazar South Asian laga Hong Kong manuh khan etu chaka para jonom paikena ase. Etu mota para Indian desh te saman thibo mon ase etu nemite China laga national day din te tai para Indian flag thura ase. #October1stProtest #HongKongProtests.” Etu samay Hong Kong police para 86 manuh ke thurishe, keli koile China’s National Day holiday din te hokom te nathaka manuh jama hoikena bahar te olishe aro protest korishe. Thura manuh pithor te char(4) jun toh district councilors ase koikena, police para Facebook te statement toh post korishe. Police ar koishe, manuh khan ke thura toh hoile, tai khan ke wabas jabo nemite besi para warning hoilebi mana nai. Hong Kong para Chinese government logot kelaf kora toh hoile, jaa saal China para Hong Kong’s Extradition Bill bonaise. Etu bill para Hong Kong laga manuh ke thuribo aro territories oper te manuh ke transfer be koribo. Bill pithor te Taiwan aro Chinese mainland be samil ase. National Day celebrate kora toh People’s Republic of China laga founding din ase. Etu nemite Beijing para autonomous city logot besi control kora nemite Hong Kong manuh para protest kori thaki.
Add Comment