France, 24 October : Unnati Hooda laga journey French Open Super 750 te khotom hoijaikena, kitia tai women’s singles laga pre-quarterfinal te world number two Wang Zhiyi logot hari jaise, Thursday te Cesson-Sevigne, France te.
Hooda 39 minute laga straight-game match te 14-21, 11-21 te hari jaise, aru pura match te tai second seed Wang ke challenge koribole struggle korise. Itu match Hooda laga 18 saal te dusra consecutive loss hoishe Wang logot, karon Singapore Open te bhi dujon face kori thakise, juntu te Hooda ek game loi thakise kintu last te hari jaise.
Mixed doubles te, India laga pair Rohan Kapoor aru Ruthvika Shivani Gadde France laga World No. 5 pair Thom Gicquel aru Delphine Delrue logot 23-21, 8-21, 17-21 te hari jaise.
Hooda aru itu mixed doubles team laga exit ek din piche ahise kitia India laga top men’s doubles duo Chirag Shetty aru Satwiksairaj Rankireddy bhi tournament para eliminate hoijaise.
Add Comment