Hornbill Festival laga Day-2

Governor pora culture aro traditional laga kotha korise

Kohima, 02 November: 2^nd Hornbill festival deh, NEZCC pora National dance aro music day toh Sunday din Naga Heritage Village jaga deh loise. Etu time deh Governor of Nagaland P.B. Acharya pora event suru kora thakise. Function time deh Nagaland laga Governor P.B. Acharya pora kowah toh, NEZCC bona toh NAMASTE NE States (N-Nagaland, A-Arunachal Pradesh, M-Manipur, Meghalaya, Mizoram, A-Assam, S-Sikkim, T-Tripura and E-East) laga rich cultural heritage deh othabole aro bachabo karni bona laga ase. Tai kowah toh, North East ke toh alag-alag culture aro traditional lifestyle pora jani. Tai aro kowah toh, etu state laga sob tribal groups deh, tai khan nejor laga tribal culture, tribal folk dance, food aro crafts ase. Each tribe deh nejor laga identity, culture, tradition thakise koilebe manu khan toh phal pora aro santi pora thakise koikena tai janaise. Archerya porabe kowah toh, “Festival season toh thek time ase, North East India laga culture aro traditional costumes deh janibo karni. Aro etu festival hee tribes laga important part ase traditional dance aro folk music logode thakikena.” Governor porabe kowah toh, NEZCC laga pethor deh 5000 pora be besi group register howah bechide, NEZCC pora seven North Easters States laga culture heritage deh sai-ase, bachai ase aro manu khan logode janaideh ase. Governor pora kowah toh, North East India pora duniya laga ekta traditional music aro folk dance offer kora ekala nahoi kena prime industry laga ekta rock music hoise. Tai aro janaideya toh, North East laga manu kkhan toh arts, handicrafts, handlooms bona ke talent ase. Etu pora duniya laga manu khan North East logode kushi pai. Governor pora be artists, craftsmen, weavers, etc. logode congulate kora thakise. Kelay koile tai khan pora ami khan laga tradition aro culture bachai kena rakha karni. Program laga host toh Advisor Tourism, Art & Culture, H. Khehovi Yepthomi, Advisor, Water Resources Development, Namri Nchang aro Advisor Fisheries, Evaluation, Economics & Statistics, L. Khumo thakise. Alag-alag state- Madhya Pradesh, Assam, Manipur, Jammu and Kashmir, Meghalaya aro Odisha nesana khan pora morning program korise aro tai khan pora guest aro local khan logode kushi korideya thakise.

Kisama deh Art & Culture Department’s Artists Corner

Kohima, 02 December: Department of Art & Culture toh NEU Naga Art Foundation logode melikena Artists’ Corner organize korise aro etu toh 1st pora 10th December 2018 tak thakibole ase. Kohima World War 11 Museum premises, Kisama jaga deh, Artists’ Corner  toh jai thaga Hornbill Festival logode eki thakibole ase. Department laga officials pora kowah toh, Kisama jaga deh Artists’ Corner bona laga main aim toh local artists othabole aro support debole ola ase. Kelay koile tai laga talent toh gara hoijabo karni. Depart pora etu even hotai sal lowah toh ahhibole artists khan nemide sosta hobole laga ase koise. Etu pora professionalism toh art aro culture line deh othabole laga ase, koikena janaise. Artists corner deh paintings toh acrylic, sketch, water colour, sculpture, engraving on granite, charcoal, abstract art, landscape, portrait, realistic etc ase. Kohima, Dimapur aro Mokokchung jaga laga sob 33 local artiests pora tai khan paintings toh bekhabole aro dekhabole karni dae (give).  Artists’ Corner deh painting competition toh school students khan nemide thakibole ase aro etu toh 3rd December 2018 deh thakibo.

Kisama deh Naga Chef 2018

Kohima, 2 December: 19^th Hornbill Festival 2018 lowah time deh, Naga Chef competition be Synergy Group Enterprise pora Kisama jaga deh organize korise. Naga Chef Competition toh 19^th November 2018 pora suru howah thakise aro 12 hesha thaga khan majode khali 4 finalists hee elimination round deh ponjibole parise. Competitions deh finalist thaga khan toh, Lipok Longkumer, Vikhuli Achumi, Dennis Suohu aro Mhomo Ngullie ase. Guest Judge logode Naga Chef 2018 laga judge toh Alemjungla Jamir, Joel Basumatri aro Rovi Chase ase. Business/Entrepreneur Round deh, judge pora tai khan laga work management, team work, work pressure, food preparation, coordination aro tai khan laga business skill judge koribole ase. Naga Chef 2018 toh 10^th December 2018 tak thakibole ase aro Competition laga winner toh Hornbill Festival 2018 laga last din deh janaidebole ase. Naga Chef 2018 jeta manu ke Rs. 3 lakhs (three lakhs) cash prize pabole ase.