Kohima • Nagaland

Hornbill karne transportation aro traffic Guidelines 

November 28, 2024
2 Views

November 28, 2024: Kohima tho Hornbill Festival laka 25h edition keh host kuri bole ready kura time deh, ekta dangor jinta tho heavy traffic karne ase, kuto para bishi sal karne festival jah manu kan laka experience keh bia kuri di shae. Festival deh jab oleh rasta eman nai kui nah papna deh authorities kan para alak alak issues kan keh sai nah ase aro alak alak guidelines kan banai nah asem sob festival jah manu kan ekta bhal experience babo leh karne. Hoile b etu efforts laka success tho general public laka cooperation upro deh ase. Etu karne Superintendent of Police, Kohima para sob manu kan keh guidelines keh follow kuri bole request kuri nah ase, hornbill jah manu kan bhal experience lokot deh wapas ghor jabo karne.

Transport Department, Government of Nagaland laka City Buss Shuttle service provide kuri bole ase, Hornbill Festival venue Naga Heritage Village, Kisama para aha jah tho aram kuri bole. Taikan para etu service tho 1st December para 10th December tak dib oleh ase, etu teentha jaka para. ISBT Kohima para Kisama tak, NST Station Kohima para Kisama tak aro PR Hill Junction, Kohima para Kisama tak. Fares kan tho Rs 80, 70 aro 50 taki bo, respectively. Etu services kan tho  hotai 8am para available taki bo. Return bus services b Kisama para Kohima tak taki bo, 10 am para 9pm tak. Daily free bus shuttle service b Kigwema deh taka parking jaka para Kisama laka festival venue tak dibo leh ase.

25th Hornbill Festival 2024 karne Naga Heritage Village, Kisama deh smooth vehicular traffic ensure kuri bo karne, Superintendent of Police, Kohima laka office para etu traffic advisory kan issue kuri nah ase.

1. 1st December para 10th December 2024 tak heavy vehicles kan gusi bolo mana ase, 7:00 am para 10:00 PM tak. Sob heavy vehicles kan keh rukha bo, tuita jaka deh – Peducha aro Khuzama inter-state check gate

2. PHQ para issue kura valid car passes taka gari kan keh Kisama heritage village deh gusi bole dibo, National Highway (gate No.1) para.

3. Gate no. 2 deh park kura gari kan karne exit tho etu kan hobo, Kisama Heritage Village para:

  1. Southern/Manipur bound gari kan karne Imagiland
  2. Kohima bound gari kan karne Rhodedendron resort – NH
  3. Amphitheatre Heritage deh park kura event managers/Vendors laka gari kan tho Gate -2 para jabi di bo 9:00 Am agae deh aro 4:00 pm piche deh. Hoile b enaka time deh etu gari kan Rhododendron resort para exit kuri bo.

4. Car passes taka gari kan  tho Parking Area Kisam deh park kuri bo (opposite Gate No.2)

5. Car passes nataka gari kan taikan gari tho Kigwema Public ground deh park kuri bole lakeh

6. Parking jaka ((Kigwema public ground)) para venue (Kisama) tak free shuttle bus service kan dibo aro Kisama venue para Kigwema public ground deh b etu free bus service tho di bo.

7. Dimapur/ Chumoukedima para aha gari kan karne alak rasta tho Old KMC Check gate- Jotsoma – Nagaland College of Music and Fine Arts – Forest Colony – BSNL Exchnage – Chathedra – Aradura Inn – Phesama – Kisama para taki bo. Passenger gari kan keh etu rasta lubo leh advise kuri nah ase, traffic hobo nadi bo karne.

8. Gari malik kan keh taikan laka contact numbers kan tho taikan laka gari laka windshield deh paste kuri nah rakhi bole advise kuri nah ase, Kigwema Public Ground aro alak jaka deh parking kura time deh.

9. Phesama check gate aro Venue (Kisama) majo deh taka ROW laka pitor deh park kura gari kan keh towed kuri bo, warning kan nadi nah. Etu tho section 127 MV Act laka provision isap deh kuri bo. Gari malik kan tho sob towsing dam karne responsible taki bo aro u/s 201 MV Act (rs 500) penalize kuri bo.

10. Alignment point tho 250 nishi nah schedule kuri nah ase Gate-1 Kisama para kigwema village tak. ANTA vehicles/ privates kan etu point deh passenger kan keh drop kuri bo pari bo aro passengers kan theng para Kisama venue tak jab oleh pari bo.

11. ANTA gari/taxis kan karne Pick-up point tho Keigwema public ground deh taki bo, kuteh travllers kan ANTA gari deh jabo leh pari bo, taikan laka destination karne.

12. Manu kan kun venue deh drone operate kuri bole planning ase, festival time deh, taikan keh permission lobo leh advise kuri nah ase, Police Headquarters para. Offenders kan keh prosecute kuri bo, law laka isap deh.