Kohima, 01 May 2025: Horticulture Department ke outgoing Director, Meyasashi laga honour te ekta farewell programme 30 April 2025 din, Directorate of Horticulture laga conference hall te loise. Programme te WRD & Horticulture Minister, Salhoutuonuo Kruse special guest thaki se.
Outgoing Director Meyasashi nijor farewell speech te olop history share kuri se, ki duty tai perform kurise aru training dise jabole time te directorate aru district khan te thaka time te. Tai department laga achievements bhi highlight kuri se, farmers logot interaction aru farms visit kura karone. Business personnel logot tai laga experience share kurise, tai observe kurise ki district khan te marketing cells aru processing units lagi ase, karon tai dekhi se ki alak district te bishi fruits aru vegetables ase juntu notun market te, nationally aru internationally bhi, bika bole potential ase. Tai suggest kurise ki notun scheme aru project introduce kuribo lage juntu state aru farmers dui jun ke benefit dibo. Tai sob officers aru staff ke appeal kurise ki department aru state laga welfare karone hardworking thakibo lage.
Minister for WRD & Horticulture, Salhoutuonuo Kruse, outgoing Director Meyasashi ke ekta dynamic officer ase koikena describe kurise; integrity, commitment, excellence aru knowledgeable leadership karone. Tai koise ki Meyasashi laga leadership te department ke “Best State in Horticulture 2024” award bhi paise. Tai koise ki Meyasashi ekta legacy chari jaise aru officers aru staff ke tai laga bhal kaam para inspire hobo.
Short speeches bhi dise Secretary Horticulture, Akumla Chuba, IAS; Additional Director, Ayieno Hibo; Joint Director, S. Senka; Registrar, A. Temjen Lkr; DHO Wokha, Aoimrong; aru Executive Engineer, Engineer Wing Horticulture, Er. Talitemsu Jamir.
Programme Joint Director Medemshiba para chair kurise aru vote of thanks Joint Director Horticulture, Talimongba para dise.
Add Comment