Hospital te jui para 13 Covid bemari morishe

Virar, Maharashtra: State capital Mumbai para 70 km neshina jaikena Maharashtra Virar hospital te jui olaikena komti hoilebi 13 coronavirus bemar manuh intensive care unit(ICU) te admitted hoikena thaka khan morishe. Vijay Vallabh Hospital te jui toh rathi te olaishe aro etu samai medical staff aro bemari manuh khan besi dukh paishe. “jui ola samai sob melaikena 90 bemari manuh admitted hoikena thakishe,” koikena Vijay Vallabh hospital laga CEO, Dilip Shah para aji pujur reporters logot janaishe. Maharashtra te coronavirus second wave aro bemari besi othi thaka samai hoishe. Jowa kali 67,000 oper notun bemari cases khobor paishe. “ami logot 3 am samai sathi ek jun para tai laga mother-in-law hospital te admitted hoikena ase koishe. Ami jaga ponchise aro jui toh thikishe. Second floor te intensive care unit(ICU) toh jui laga thunga thikishe. Kali tuita(2) nurse thakishe aro ami doctors khan toh thika nai. Firefighters khan para atha gonda neshina jui toh moraboli loishe. Ami khan para 8-10 mora manuh laga bodies toh thikishe,” koikena Avinash Patil para thika khobor toh reporters logot janaishe. Docotors khan thaka nai kowa kotha toh Dilip Shah para mana nai, tai koishe “doctors thakishe”. Tai aro koishe, hospital para jui morabo nemite kam sob korishe. Bemari manuh besi jun dosura hospital te loikena jaishe. Wednesday te Maharashtra te aro Nashik hospital bahar te oxygen tanker leaked hoikena 24 covid bemari manuh morishe, 30 minutes neshina bemari manh khan oxygen supply napa nemite mora ase koishe.