KOHIMA, OCTOBER 11 : 2 din Regional Conference toh “Good Governance Initiatives” hisabte mana toh khotum huise. Etubi “Capacity Building/Technology/Best Practices by Aspirational Districts” laga Sub-Theme hisabte Hotel Vivor te mana. Aro etu khotum hua toh 11th October 2018 te khotum kuridese koise.
Etu din te hisha kurikena thaka kan ke kotha kurikena Chief Secretary, Nagaland laga R. Binchilo Thong, IAS pora South East Asia toh North East States, India laga pora suru kurikena ase. Aro etu North East Region laga manu kan sob melekena eneka kam julabole aro ahkete luijabole kurise koile Trade aro Commerce nemite bhal te ahkete jabole bara huijabo koi kena janaide thakise.
Tai bi Dimapur aro Kohima majutte Four lane rasta banabole kura toh 2022 pora arobi Kohima aro Imphal majutte bi banabole kuribo lagi. Aro Dimapur aro Zubza majutte Rail rasta banabole kura bi Nagaland logot Myanmar aro tusera ASEAN desh kan kebi mela-mele kuribole karne banaile bhal hobo koi kena janaide thakise.
Etu oporte tai bi Nagaland state te Rasta, Power, IT aro Telecom kan thik pora nathaka, aro poisa nemite dukh baa aro Banking Culture kan thik nathaka aro tusera Markets kan nemite ki-ki thik nathaka kan nemite husir kotha janaise. Aro etu thik nathaka kan toh sob ami kan Nagaland state toh India desh pora ekdam kenar jaka te aro dur jaka te thaka pora ase aro ki-ki rasta kan aro ki-ki mela-mele kura thik nathaka pora ase koi kena janaide thakise. Etu karne ami kan Nagaland state laga jawan kan ke thik pora aro bhal te shekaidebole lagi. Etubi Western manu kan laga adat aro neum pora koi kena janaide thakise. Kele etu huilehi ami kan Naga jawan kan ahkete Duniya sob ke ekta bhal dimak pora kam julai kena ahkete ahejaa hobo koi kena.
Etu din te Additional Secretary Department of Administrative Reforms & Public Grievances, Government of India, Vasudha Mishra porabi Nagaland kan 30th Regional Conference manabole (host) kura karne aro etu 2 din toh bhal te manai kena khotum kura karne besi khushi baa janaide thakise koise.Tai bi etu Conference pora ekjun-ekjun ke bhal babuna debole kura aro janibole diya hobo koi kena janaise. Aro tai bi etu din laga ki-ki bhal kotha kan janaide thakise koise.
Etu 2 din wala pujutte Director NESA Department of Space Government of India PLN Raju pora Power Point Presentation dekhaidese aro janaidese. Etubi North Eastern District Resource Plan laga Geo-Portal kan. Aro etu pora ekta Sorkar Application te bhal te kam julabole karne motub kura laga ase koise. DC Mon Nagaland K Thavaseelan pora toh Good Governance-Perspectives laga hisabte ki-ki janaide thakise. Etubi Remote aro Backward District kan nemite. Aro etu din laga Programme toh Hiazu Meru aro Hovithal Sothu pora ahkete luijai kena manaidese koise.
Add Comment