New Delhi, 16 June : House of the Dragon Season 3 para critics khan pora bisi bhal response pai ase
House of the Dragon laga Iron Throne karne war etiya aro intense hobole ase. Prothom reviews khan laga hisab te, Season 3 para fans khan juntu wait kori thakise, etu sob dibole ase — dangor battles, besi dragons aru purpose logot agey jai thaka story.
Critics khan para etu season ke series laga etiya sabse bhal season kuina koise, aru bisi manu para last season pora dangor improvement ase kuina bhi koise.
Season 3 para Rotten Tomatoes te initial reviews khan pora 97% critics score paise, juntu show laga etiya porjonto highest-rated season ase.
House of the Dragon tu George R.R. Martin aru Ryan Condal para bonai thaka fantasy drama series ase. Etu acclaimed TV series Game of Thrones laga prequel ase aru Martin laga Fire & Blood kitab upor base kori bonaise. Story tu Game of Thrones laga events pora around 200 saal age te set kori ase aru dragon-riding Targaryen dynasty laga rise aru fall dikhaise, ekta time te Westeros rule kori thakise.
Notun season tu June 21 te JioHotstar te premiere hobo aru etu te 8 episodes thakibo. Weekly basis te episodes release hobo aru August 9 cholibo.
Etu season te ghurai aha cast members khan holo Matt Smith, Emma D’Arcy, Olivia Cooke, Steve Toussaint, Rhys Ifans, Fabien Frankel, Ewan Mitchell, Tom Glynn-Carney, Sonoya Mizuno, Harry Collett, Bethany Antonia, Phoebe Campbell, Phia Saban, Jefferson Hall aru Matthew Needham.
Notun cast additions khan majote James Norton, Tom Bennett, Kieran Bew, Kurt Egyiawan, Freddie Fox, Clinton Liberty, Gayle Rankin aru Abubakar Salim bhi ase.
