India, 30 April 2025: Housefull film 15 sal anniversary complete korishe, aru etiya fans khan ke teaser dikhai dishe Housefull 5 laga, jun India laga ekta sobse popular comedy film franchise ase. Nadiadwala Grandson Entertainment pora release kora teaser to ekdom quick glimpse dishe sob actor aru actress khan laga—main stars to Akshay Kumar, Abhishek Bachchan aru Riteish Deshmukh ase.
Etu bar to aro beshi dangor cast ase: Jacqueline Fernandez, Sonam Bajwa, Nargis Fakhri, Sanjay Dutt, Jackie Shroff, Nana Patekar, Chitrangada Singh, Fardeen Khan, Chunky Pandey, Johnny Lever, Shreyas Talpade, Dino Morea, Ranjeet, Soundarya Sharma, Nikitin Dheer aru Akashdeep Sabir. Etu actor khan sob milaile to ekdom full Bollywood stars list nishina lagishe. Teaser to dhoka laka, ulta-pulta comedy to dikhai dishe , kintu etu bar ekta twist ase—film to “killer comedy” hobo, karon etu bar ekta murderer bhi story te thakibo.
Film to Tarun Mansukhani para direct korise, aru Abhishek, Akshay aru Riteish ke aru ekbar milaishe, juntu Housefull 3 te bhi ek sath thakishe. Akshay aru Riteish to starting pora sob Housefull film te thakishe, aru etiya bhi main comedy lead hobo.
Teaser share kori, makers khan Instagram te likhise, “15 Sal agete aji… madness suru hoishe! India laga sobse dangor franchise wapas ahishe… aru etu bar ekta KILLER comedy loi ahi ase!”
Housefull 5 to release hobo 6 June 2025 te. Sob aage laga hit film khan dekhi kina, fans khan etiya bhi dangor expectation loi kina ase— hungama aru ekta suspense twist milaile ekdom blockbuster hobole.
Add Comment