August 28, 2026, 7:49 PM: Itu Medical Department toh hoiley ekta Human Papilloma Virus (HPV) Vaccination Campaign conduct kuriboley asey, Zunheboto District tey, eligible beneficiary khan logotey, itu vaccination avial kuriboley karney, ekta circular laga hisap tey, itu Deputy Commissioner, Zunheboto laga Office para issue kuri kena.
Itu campaign toh hoiley, eligible chukri khan ke bachai kena rakhiboley aim kurishey, cervical cancer laga against tey, kuntu toh hoiley manu khan bishi bhak toh womb laga cancer bhi koi thakishey. Itu circular toh hoiley state kurishey ki, HPV vaccination toh 93% para 100% laga protection provide kurey cervical cancer against tey, aru itu toh hoiley 160 country khan bhitor para bhi bishi tey chulai thaki kena asey, 2006 tey introduce kuria pichetey para.
Medical Department laga hisap tey, itu HPV vaccine toh hoiley, extensive para chulai kena asey, aru tatey fertility nahoilebi future pregnancy khan opor tey impact hoa eku report hoanai. Itu circular toh hoiley highlight kurishey ki, itu vaccine toh hoiley private hospital khan tey available thaki kena asey 2008 tey para, 50 crore para bishi bishi dose khan distribute kuri kena.
Itu vaccination toh hoiley 14 saal laga chukri nimitey available asey, specific para utu chukri khan kun toh hoiley agey para tai khan laga 14th birthday celebrate kurishey, hoilebi itya tak 15th birthday celebrate kuranai, tai khan nimitey available asey.
