Agencies, 04 June: Superstar Hrithik Roshan para Cine and TV Artistes’ Association (CINTAA) te Rs 20 lakh donate korise. Actor para etu donate kora toh coronavirus pandemic laga second wave karni poisa para dekthari pai thaka daily-wage artists ke motob debole nemite ase. CINTAA General Secretary Amit Behl para daily-wage qualified artists khan films, TV aro web-shows te kaam kori thaka toh COVID-19 lockdown nemite dekthari pai ase koise.
Behl para amount laga portion toh sitha 2000 artists laga bank accounts te transfer koribo koise aro bacha toh rations kits lobole nemite jolabo aro vaccination drive lobo koise.
Tai para PTI te koise, “2000 opor members ke toh laab pabole ase kelay koile poisa toh sitha tai khan laga accounts te transferred koribole nemite. Etu opor te funds toh ration kits debole aro vaccine drive nemite jolabo”.
Behl para be Roshan para jowa sal 2020 te Rs 25 lakh deya janaishe. Roshan ke chari kena, actor Vicky Kaushal para Rs 2.5 lakh deshe, Flora Saini para Rs 25,000 deshe koise. TV star Sakshi Tanwar para be motob deshe koise. Body te sob melikena 10,000 opor members toh India aro duniya te ase koise.
Add Comment