Mumbai, March 28: Krrish 4 logotey jurikina thaka excitement tu ekta nutun ucchayi te pungchisey. Etu confirm hoisey ki Hrithik Roshan tu Krrish 4 te superhero Krrish laga mashoor role wapas kuribole ekla nohoikina first time director bi hobole asey! Etu khobor para Bollywood te excitement baraidisey kilemaney Krrish film tu bisi lamba homoi para sob manu khan khusi paikina ahithaka film asey. Etu bisi homoi para intazar thaka film para duita mashoor producer-Rakesh Roshan aro Aditya Chopra ke first time eksath anibole asey. Taikhan duijun tu ekta damdar partnership banabole asey kun para cinema te magic anidibo.
Hrithik tu Krrish 4 direct kuribole laga zimidari lobole asey aro enaka kurikina etu film tu tailaga first direct kuribole thaka film asey. Hrithik tu tailaga magnetic screen presence aro tailaga kaam dedication para kora nimitey jana jai. Aro etya tai director laga role te gusija para fans aro film industry khan majotey bi ekta dangor excitement baraidisey. Etu news ke film critic aro trade analyst Taran Adarsh para March 28, 2025 te confirm kurisey.
Fan khan nimitey, etu tu sapna hosa hoija nisna asey. Hrithik, kun 10 saal opor para Krrish laga role kurikina ahiasey tai tu etya etu mashoor superhero universe(duniya) laga future banabole tayar asey.
Etu excitement ke industry laga duijun shaktishali manu- Rakesh Roshan(Krrish franchise laga director aro producer) aro Aditya Chopra(Yash Raj Films) laga mastermind para milikina etu film te kaam kuribole thaka laga khobor para aro bisi baraidisey.
Krrish film tu sobsey first 2006 te release hosiley. Etu picheyte 2013 te Krrish 2 aro 2015 te Krrish 3 release hoisey.
Add Comment