HS Prannoy, Misha Zilberman ke hariana Australia Open Badminton ghusishey

Australia, 13 June : Experienced Indian shuttler HS Prannoy, Israel laga Misha Zilberman khilaf mota laga singles second round match dey jitia piche dey Australia Open laga quarterfinals dey aaram para ghusishey, yatey Thursday dey.
Prannoy, ekta former world No.1 aro seeded fifth, 16 match laga round dey Zilberman ke 21-17 21-15 harawoley khali 46 minutes luishey.
Next round dey Japan laga second seed Kodai Naroaka khilaf khilibo.
Huilewi, mota laga singles event dey itu toh khotom thakishey kitia Kiran George  toh Japan laga seventh seed Kenta Nishimoto khilaf 20-22 6-21 harishey.
Din deri dey, Sameer Verma toh Singapore laga eighth seed Loh Kean Yew khilaf mota laga singles contest dey samna kuribo.
Indian mahila shuttlers maju dey, eight seed Aakarshi Kashyap para Australia laga Kai Qi Bernice Teoh khilaf 21-16 21-13 khilina quarterfinals dey ghusishey, kutey tai Chinese Taipei laga third seed Yu Po Pai ke khilibo.
Huilewi itu tournament tob Anupama Upadhyaya aro Malvika Bansod karney khitom huishey mahila laga singles second round dey
Kitia Anupama toh Indonesia laga sixth seed Putri Kusuma Wardani khilaf 11-21 18-21 harishey, Malvika ke alag Indonesian para harai dishey, eight seed Ester Nurumi Tri Wardoyo 17-21 21-23.
B Sumeeth Reddy aro N Sikki Reddy laga mixed doubles pair, huilewi, agey jawoley chari rakhishey kitia eighth seeded Indian duo para Australia laga Kai Chen Teoh aro Kai Qi Bernice Teoh ke 21-11 21-11 haraina last-eight dey ghusishey. Hulewi quarterfinals dey itu mixed doubles pair ke ekta tough tie rukhi asey. Taikhan China laga top seeds Zhen Bang Jiang aro Ya Xin Wei khilaf samna kuribo.