June 16, 2025, 07:24 PM: Itu Zeliang Officers’ Association Nagaland (ZOAN) para ekta felicitation programme loishey, HSLC 2025 Achieve kuria manu khan nimitey, kuntu toh hoiley Deputy Commissioner Office laga Conference hall tey para loishey, New district headquarter Peren tey, 16th June, 2025 tey.
Deputy Commissioner Peren – Hiazu Meru para tai laga speech tey itu sob achiever khan ke congratulate kurishey, community nimitey naam kamai diya nimitey,
Itu DC para state kurishey, ki, itu toh hoiley itya shuru hey hoa laga asey, tai khan laga career laga, aru aha laga din khan tey, aru bhi bishi challenges khan thakiboley asey, tai khan laga raasta tey, itu nimitey tai para achiever khan ke encourage kurishey, Isor laga wisdom aru gyan mangiboley karney, utu sob toh face kuriboley karney aru aru bhi bishi para achieve kuribo pariboley, future tey.
Hiazu Meru para emphasize kurishey ki, tai khan toh hoiley khali ekta achiever hey nahoi HSLC laga, hoielbi tai khan toh ekta ambassador bhi asey itu district laga. Tai para tai khan ke responsible citizen khan hoboley karney bhi encourage kurishey aru itu achiever khan ke urge kurishey, tai khan laga suggestion khan diboley karney, itu district toh improve kuriboley karney, especially itu education laga sector tey aru itu society tey contribute kuriboley koishey, tai khan laga valuable experience khan para.
MEA Branch, Guwahati Assam laga Head & Regional Passport Officer – Cherakung Zeliang para bhi tai laga speech tey congratulate kurishey, itu sob achiever khan ke, itu community laga naam bhal kuria nimitey.
Add Comment