New York, 11 April 2025: Chei jun manu, tinta bacha milai kina, muri jaishey helicopter tourists laka family ke bhukhi thaka crash hwa pichideh Hudson nodi te New York te, authorities khan pra koishey. Pasta manu laka family to Spain pra thaki shey aro sixth manu toh pilot thaki shey, New York City Mayor Eric Adams pra reporters ke koishey Thursday din te. Sop manu helicopter bitor te thaki shey crash hwa time te. Adams pra koishey, Moikhan laka morom toh family opor te jai ase. New York Police Commissioner Jessica Tisch pra koishey victims laka identities toh release nakuribo families khan najaneh tak toh. Crash toh kina hoishey echa b investigation under te ase. Hatsa laka video footage te dikhi paishey kina helicopter toh hawa pra giri shey ulta hoi kina aro Hudson nodi te giri jaishey.
Officials khan pra koishey helicopter toh control hari jaishey George Washington Bridge te turn kuri kina New Jersey shoreline ja time te. Helicopter toh New York Helicopters khan pra operate kuri thaki shey aro Downtown Skyport pra olai shey Manhattan laka lower side te 14:59 local time te. Crash laka first call toh 15:17 EDT nishina te ahishey aro rescue boats toh joldi launched kuri dishey, New York Fire Commissioner Robert Tucker pra koishey. Tai koishey, Swimmers khan pani te thaki shey call hwa pichideh. Scene te ekbar, rescuers khan pani te bisari shey victim nahoi leh survivors khan karne aro ‘immediate life-saving measure’ initiate kuri shey hoileh efforts khan toh success hwa nai. Charta victim toh jaka te muri shey koishey, etu time te alak duita toh osor hospital te muri jaishey koishey, officials khan pra koishey.
Federal Aviation Administration (FAA) pra koishey crash opor te investigation toh jai ase, National Transportation Safety Borad pra lead kura.
Add Comment