US, 28 May 2025: Hollywood actor Hugh Jackman aru laga wife Deborra-Lee Furness official divorce loishe. Itu dui saal pora alag thaka announce kora pisot ahi ase. Duijon toh 27 saal ek sat thaka ase aru duita bacha ase – Oscar aru Ava.
May 23 tarik te Deborra New York te uncontested divorce file korishe. Etu mane hoishe judge ekjon laga signature lagibo, aru shaadi khotom hoi jabo. Deborra laga lawyer hoile bhi koi dishe ki spousal support taka ulaishe. Kintu dukh ase, dui jon milai thaka $250 million taka poisa kenika bhag koribole ase etu aru decide kura nai.
Hugh Jackman etia The Music Man laga co-star Sutton Foster logot thaki ase. Dui jon 2023 te ekelokot dekhai shuru hoishe. Aji ekjon Deborra public te divorce kotha koi dishe. Tai koishe, “Itu ekta bishi dukh diya aru biswas bangai ja thaka journey ase.” Tai koi dishe ki tai laga biswas aru prayer tai help korishe. “Etu dukh to bishi ase,” tai koi dishe. “Kintu moi bishwas kore je God aru universe hobo bhal karone kaam kore.”
Deborra etu bhi koishe, nijor laka upor biswas rakhibole sobse important ase. “Dukh hoi pare,” tai koi dishe, “kintu nijor value aru imandari logot thakile beshi freedom ase.”
Divorce dukh diya hoile bhi, Hollywood divorce nishena messy nohoi. Deborra laga lawyer already health care, child support aru settlement laga document submit korishe. Hugh aru Deborra dui jon shanti pora sob terms te agree kori dishe. Ekjon insider koi dishe, “Konba taka poisa laka kotha hoise, kintu last te dui jon financially safe ase.”
Add Comment