Human trafficking sting deh 14 jun keh arrest kuri di shae

August 2, 2024: Comic-Con deh ekta human trafficking operation kura tho 14 nishi nah manu kan keh arrest kuri di shae, San Diago deh, state officials laka isap deh. Report isap deh, suspects keh  duri bo karne, task force tho undercover jai shae aro sex laka advertisement kuri taki shae. Kun bah officers kan tho sex buyers laka acting mari nah undercover b jai shae, potential victim keh identify kuri bo karne aro taikan keh contact kuri bo karne. Operation deh, authorities kan tostha sex trafficking victims keh successfully recover kuri bole pari shae, tateh ekta tho 16 sal laka maike taki shae. Victims kan keh support services kan di di shae. California Attorney General Rob Bonta laka office para statement dia isap deh, team tho San Diego Comic-Con Convention chui nah sex buyers karne lookout deh taki shae,” Los Angeles Times para report kuri shae. Etu dangor convention tho state aro local authorities para target kuri shae, kun kan San Diego Human Trafficking Task Force lokot kam kuri taki shae. Hota sal, ek lakh nishi nah manu kan Comic-Con attend kuri bo karne San Diego deh ahae. Etu event tho comic books aro pop culture fans karne ekta gathering ase. Investigation tho teen din laka karne conduct kuri shae. Support Services, child welfare services aro juvenile support service advocates kan motot kuri bo karne scene deh taki shae.